نايف الصويمل

الأرشيف حسب ديسمبر 2009

لا تسأليني ..
وش تغير ..فيني من بعد الغياب !!

هذا أنا ..ما تغير فيني شيء ..
أما خذيني كذا .. أو اتركيني بلا شيء …

بس أذكري لي شيء وأحد ..
…………….. أني عاشق ..

و مو أي عاشق .. أعشقتك بسكوت ..

ولا تسأليني عن سكوتي …
………………….. مال الكلام وجود ..
ولا تسأليني عن همومي ..
. ………………… مال السعادة خلود ..

ولا تسأليني .. عن كل شيء …
ما بقى فيني شيء ..
غير أنا وليتني مثل ما أنا ..

لا تسأليني ..

من يسأل الدمع !! ليه يبكي من الحنين ؟؟
من يسأل الأم !! ليه ترضع هـ الجنين ؟؟
من يسأل الليل !! ليه ستر للعاشقين ؟؟
لو أشرقت شمس باكر .. من ينتظر باكر ؟
ما كان شفنا من يفكر باليوم الحزين ..

ادري ألف كلمة في بالك ..
هذا من عرفتيني حالك ..
بس ما عندي إجابة .. لا تسأليني ..

لحظة بقول لكم سر ومحد يعرفه غيري حتى اعز الناس عندي ما يعرفونه ..

 انا ترى ما أدخن ولا ولا أكل حبوب بس فيني عيب واحد ياما حاولت اتخلص منه مو قادر أنا بصراحه اشرب !!!

لا تقولون هذا وقح ويقولها بصراحه هذا اعتراف لاني ودي اغير هذا الشيء بس مو قادر , والمشكله اني كثير اشرب لما أبي اكتب شيء , لدرجة أني احيانا ما اشرب بس كوب اشرب كوبين او ثلاث من الشاهي , وانا ما احس بهذا من زود جبي للكتابه فكون متحمس مع الكتابة وانسى كم كوب شربته من الشاهي , طبعا في الشاهي لي مزاج خاصأنه ما يكون اسود احبه شوي فاتح ويكره زيياده , وش فيكم تناظرون ؟؟

اهااا عشان قلت اشرب ليه وين راح تفكيركم ترى اقصد يوم اقول اشرب اقصد الشاهي مو شيء ثاني لا سمح الله والشاهي كثرته عيب عندي بس ليه الناس نيتها سيئة وتفكيرهم كله غلط ؟؟ على فكرة بجد ليه حنا كذا دايم تفكيرنا غلط ونميل للجانب السئ يعني مثلا الحرب السعودية مع الحوثيين الكل يتهم ايران والمشكله ايران مسكينه وبريئة عندها مشاكل خاصة فيها , غير الضغط والخلافات مع امريكا على السلاح النووي وكان افضل تفكير من امريكا للضغط والخلافات مع ايران وضع الرئيس الايراني ليحكم العراق اف اف معليش غلط وضع رئيس عراقي وجلده ايراني انا وش فيني مو جايه معي اقصد بثوب عراقي !!!

الغريب ان الرئيس العراقي من اجل اشتباه بالاسلحة صارت حرب والي يصنع الاسلحة وامام الكل مفاوضات وعمو سام هو الي يفاوض !! ولا شيء اكثر غرابه من الاحزاب والمنظمات يعني حزب الله ايراني شيء معروف بس الشيء الي مو معروف انه يهزم اسرائيل وامريكا تتفرج وهي التي شحن حرب كاملة على القاعده من ال احداث 11 سبتمبر واخذت افغانستان وكله عشان اجتماع الحبايب ويكونوا جيران وعلى يد وحده !!!

بس على فكرة نفسها امريكا كانت تدعم تنظيم القاعده في فترة سابقة ايام الاتحاد السوفيتي , والان تدعم بغير مباشر للحبايب , هي لعبة ابسط بكثير من الكلام الي اقوله …

نعرف كلنا ان الحرب مع الحوثيين من يدعمها بس ما ندري وش اهدافها خلونا شوي هنا بنتفرج على المسلسل المميز ..

 ايران في الشرق شمال غرب منها العراق تابعه لهم في الحكم ولكن بإسم اخر , سوريا الكلام الكثير والجدل الاكبر ما بين وبين خلافات سعودية ورؤية غير واضحه تمويل لحزب الله هي الموصل له , غرب منها لبنان ويكفي حزب الله هناك ايراني …

اذا هي شبة ايطار على الجزيرة العربيه وكأنها اهداف اليهود بالاغلاق على الجزيرة العربية والعم سام يدعم اسرائبل والكل حبايب !!!

اليمن بجوار السعودة وقد تكون هي النقطه الاضعف في المنطقة فيها الكثير من اعوان ايران وجنوب المملكة مقارب لما عليه اليمن فيه الكثير من اعوان ايران واقصد الشيعه ولكن لحظة هنا فرق الشيعه في السعودية يهمهم الوطن فقد حدثني احد الشيعه من نجران وكان على وشك البكاء يقول نحن على استعداد للقتال من اجل الوطن ولم يذكر الطائفة !!

 وهنا صدم الحوثيين لانهم كانوا يتوقعون بروز الشيعه في الجنوب معهم والثورة ولكن ذلك لن يحدث فهنا وطن واحد بغض النظر عن المذهب او العقيده ولكن النظر فقط في الهويه الوطنيه والتربيه في هذه الارض !!

هنا الوطن حقا الذي كم نتمنى ان يبقى دوما شامخا بسنته وشيعته فينبغي مننا كسنه ان لا نهاجم اخواننا من الشيعه في الجنوب او نعاتبهم فهم معنا وليس مع العدو بل الوقوف معهم وتشجيهم والقرب منهم مهما كان في العقيده اختلاف ..

واترك لكم البقية كعادتي …

اولاً / للناس الي تنقد اسلوب نايف الصويمل او جاكروز في الكتابه وانه يخلوا من اللغه العربية وأنه مجرد كلام وبس , ردي بإختصار أنا ما احب اكون مثل غيري اكره الرسمية في العبارات او الالفاظ والمبالغة في لغة الصحافة والتشدد في اختيار العبارات احب اكسر هذا الحاجز واكتب بلغه بسيطه يفهمها الكل وعبارات للطبقة المتوسطه وليست للطبقة الراقية والادباء ,,, ثانيا / موضوعي صح صح صح نسيت أنا وش موضوعي اف من جد نسيت ليه الناس تتكلم وش يخصهم في الكلام , صح انا معهم المصائب لا تأتي فرادا , يعني يوم قلنا بنتطور وفتحنا جامعه مختلطة وقلنا خلو المراحل الاولى في الابتدائية يدرسون سوى والحريم يسوقون فوق سن 31 وكل هذا في جده … تجي كوارث مع بعض انفلونزا الخنازير مدري وش اسمها ويجي حرب في الجنوب ومرة وحدة امطار جده وغرقها والمصيبه القادم بحيرة المسك ذات الرائحه الطيبة رائحه المجاري المميزة .. انا ما راح اتكلم عن التطورات الي صارت ولا عن الانلفونزا ولا حتى عن حرب الجنوب ومن خلفها خلوها بعدين اتكلم عنها الي يهمني الحين جده وما ادراك ما جده !! وش الي جالس يصير في جده اقدر اقوله بإختصار ملايين تصرف للتطور وملايين تدس للتراجع اذا هذي من اكبر مدن المملكة العربية السعودية كيف المدن الصغيره !! خلوني بتكلم بصراحه شوي اولا عن جدة لما جاء البحر عرف البعض اشياء كثيرة بيوت بدون صكوك شرعيه اراضي كانت للسرقة القوي يأخذ ارض ويسكن القوي يأكل الضعيف , تفكك اسري وبنات وشباب خارج حدود اللتقاليد مدينه يعتبرها البعض خارج السعودية , واغلب القرارات في اولها تطبق هناك ما راح اعم على الكل بس الاغلب كذا … حنا نسمع والله اعلم ان اكثر من 100 مليون صرفت العام الماضي لتطوير السد التابع لبحيرة المسك الغريب ان هذه ال 100 مليون صارت مجرد ريح والبحيره بدل التطور على وشك الانهيار والرد على ذلك اخلى المنطقه فقط !!! يعني لا يوجد رد فعل حقيقي بأي شكل كان لا تحويل البحيره لموقع ثاني او عمل حواجز اضافيه للماء ولا شيء اخر … ليه كل هذا يعني ما فيه امكانيات مادية ؟؟؟ او بشريه ؟؟؟ انا اتكلم عن اغنى بلد في النفط اتكلم عن مئات الالف من الشباب العاطلين اتكلم عن مهندسين وغيرهم كثير وهم القادين على خدمة الوطن ويمكن يصلحون شيء افضل من غيرهم … وش تبون اقول اكثر اذا هذا حال بلد فيه كل هذا وهذي حال وحده من اكبر المدن فيه من جرى مطر تغرق انا ما اقول ان هذا مو عذاب لا عذاب من الله ويمكن الاسباب كثيره بس ليه ما فيه تطوير حقيقي ليه ما فيه تصريف للماء ليه بحيره على وشك الانهيار ولا احد يتكلم ليه مدينه بدون صكوك كيف نعوض الي تضرروا من الغرق ؟؟؟؟ اعذروني والله ما ابي اجيب العيد لي موضوع ثاني عن الحرب في الجنوب .. بس الحين ابي رايكم بالي صاير في جده من كل شيء وابي الكل من الي هناك يطرح القضايا الي تصير ومن المسؤول عنها خلاص بلاش نسكت ترى ورب البيت الدولة ما عندها علم بالي يصير كله من الي تحت الدولة الناس هذي الي كل ما بغت الدولة نتقدم هي ترجعنا وتسرق المال .. انا لو بزيد اكثر بقول كلام كبير عشان كذا اسكت افضل لكم الكلام وبس