نايف الصويمل

مجرد ترنيمة خارج نطاق الصمت ..

قبل كم يوم كنت اسأل عليك ..

كنت محتاجك .. كنت أبيك ..

وقفت عند باب بيتك .. واحتريتك ..

بس لكن ما لقيتك .. يوم جيتك ..

قلت برحل وأترك الدنيا عشانك ..

قلت بنساك .. لكن ما نسيتك ..

ما قدرت اعيش دونك .. يعني ما اقدر اشوفك ..

شلون يوم تضيق بي .. أشكي لمين بغيبتك ..

بقلمي

في ذلك الركن .. أنا .. ودمعي ..

ومنديل يغرق من فيض السماء ..

ليلة ظلماء .. صوت ريح .. أنفاس متقطعة .. كل شيء غريب ..

عقارب الساعة تعزف على أوتار قلبي ..

في كل دقيقة بل في كل ثانية .. وكأنها تعود لما مضى ..

في تلك الصورة أجد الكثير .. كرسي خالي , وأوراق خريف ..

ورقة في يدي , مزقتها .. نثرتها في السماء .. سرقت مني الكثير .. روحي , جسدي , صحتي ..

حملت حقيبتي .. وكتابي بيدي .. أبحث عن المغادرة …

أقدام تذهب .. وأخرى تعود ..

طائرة تقلع .. وأخرى تهبط ..

وجوه حزينة .. وأخرى تبتسم ..

بين كل تلك الوجوه .. أنا … ودمعي ..

أولى درجات سلم المغادرة .. قدمي تعجز عن حملي .. أسقط .. فيسقط كتابي ..

وردة حمراء .. ذبلت .. تلاشت .. لم تعد ذات رائحة .. كعطري ..

زجاج متناثر .. أجمع شظاياه .. فينزف دمي .. يهرب مرغما .. كورقتي ..

في المقعد الأيمن أمامي .. أراك .. شاحب الوجه ..بلا ابتسامة .. رست على وجهك معالم الأحزان .. سرقت الحياة أجمل ما تحمل .. أنا .. عذرا أنت ..

في المقعد الأيسر .. صورة أخرى .. ابتسامة عذرا .. فيها أنت … عذرا أنا ..

أقلاع وهبوط .. في كل الأشياء أنت وانا … لا أعلم أنا أم أنت ..

أحمل حقيبتي أنزل من السلم .. أقع فأقوم .. وأقع .. أتخبط بخطاي ..

أشرب الكأس الأول .. الثاني .. الثالث .. ولا زلت أرى في كل كأس صورتك .. تنظر للسماء .. تعانقها .. تشير لها بيديك …

أقترب .. احتضني .. عانقني .. أفعل كل ما ترغب بي .. لكنني أهرب منك إليك .. فلا أملك سواك .. تختفي وأبقى وحيدا ..

أنظر للسماء .. أرى النجوم متناثرة .. جميعها تبتسم … أنها تراك .. لكن لا تراني ..

ها هو القمر وحيدا في قلب السماء .. يرهقه السهر .. اه أنه القدر .. كحالي ..

اهرب من كل شيء .. لأنظر لطاولتي .. أرى ورقتي الممزقة .. ودمي الهارب مني .. كلها أنت .. وأنا ..

أركض مسرعا هاربا ..

مدينة خالية .. كرسي في اخر الطريق .. ظلام … لا أرى شيء .. سوى الطريق والكرسي … وأنت ..

أقدامي تتثاقل .. اعجز عن السير .. فكل خطوة .. تكسر الكثير من أوراق الخريف .. فأعود لأسمع صوت الريح .. أسقط بجسدي المتهالك لذلك الكرسي .. وأبقى أنا … ودمعي ..

كح كح كح

اللهم اني اسألك العفو والعافية

مدري ليه الدنيا صارت كذا كل شيء متغير كل شيء حوسة في حوسة يعني ما عدنا مثل قبل نسمع صوت العصافير في الصباح ولا صوت النبيطات تصيد في الماء الراكد >> لا احد يسأل وش دخل العصافير في الماء

بس العلاقة بينهم مثل العلاقة بين الشاب السعودي والعمل , يحمل كل صباح ملف علاق اخضر بعد تخرجة على باله بيلقى ابواب الوضائف مفتوحة على مصراعيها بينما الوظائف مغلقة >> عفوا الهاتف المطلوب لا يمكن الاتصال به مؤقتا

كانت فيه حمامة صغيرة تربى عصفور فجأة العصفور طار وين واقع عند حمامة اخرى يعني مثلا ياكثر ناس تجي وتروح وناس كنا نضن فيهم جزء من الاحترام اليوم نعلم يقينا انه لا يوجد لديهم اي جزء من الاحترام ترى ما هي الاسباب >> بإختصار لأنهم مو كفو !!

على فكرة شفته بعيني مع غيري ليه مدري يمكن انا ما اشوف او اعمى بس اكيد ان النظر اكبر من الخيال الي نرسمه يعني واقعنا عكس كل شيء مدري هو قصر نظر منا او تطاول عليه !!!

اتذكر جدتي كانت تحكي لي قصة حبيتها كثير كانت تقول لكل شخص حلم وكل من يحلم يحقق حلمه متى ما عرف هو وش يحلم فيه كنت صغير ما افهم وش قاعده هي تقول واليوم كبرت وعرفت مدري انتهم فهمتوا او لا ؟؟؟

اف اف اف احس راسي مليان عالم تتكلم هنا وهناك والكل يدور كلام يعني مثلا امريكا ممكن تحتل العالم ؟؟ اشك بس ممكن ليه لا مو هالاايام الثقافة صايرة ثل رزع الطماط وحرارة الصيف مجنونة !!

كل مقطع احط علامات تعجب هو الغلط مني او من كتابتي , ودي يكون لي جنحان واطير اطير ولا اوقع ابد بس اخاف اطيح ولا احد يسمي علي في ذاك الوقت يمكن يكون عندي سؤال انا من ؟

لحظة جرعة من الكابتشينوا في احد مقاهي الرياض الجو صافي والغيم يملى السماء , ريحة دخان تلوث مو طبيعي مجتمع هذي هي طباعة ماذا نرغب اكثر !!

اليوم سالفتي سالفة صاير ادور على كل شيء زلت وكأني عايش في عالم مولي ابد وكان العالم كله ضدي اف وش القصة حقيقة مرة بس وش اسوي !!!

كوب ثاني ودخان وش وراي مع اني ما ادخن بس هذي هي الحياة مو تعودنا الكل يمشي على ما يمشي عليه الاخرون , من جد مجتمع تقليدي يسير على ما يسير عليه الاخرون هل هو دليل تخلف ام سعة عقل في كلا الحالتين مجتمع غريب الاطوار !!

ساعة بالجوار رنين رنين وقت يمضي انا انتظر بكرة وش بيصير بكرة من يخطط خله يجي بكرة هذا هو الواقع الغريب بس مع هذا الواقع نسينا شيء مهم , أن بكرة ممكن نموت , لحظة فكرنا وش قدمنا للاخرة !!!

عندي  تجمد في المخ يمكن مع الوقت صار يجمع قطع مترامية يحولها لجزء من سسلوجيا علم الذات نحو فلسفة افلاطون لعلم الفلسفة فقد يذكر ان الطائرات لا تغزوا الفضاء بل تغزوا عقول البشر الصغيره , حقا قد لا اعلم إلى اين ذلك ولكنني على يقين انها مجرد مدعبات طائش لا عقل له !!

قبل العامين او اقل اتذكر كتبت موضوع بعنوان طيري يا طيارة طيري وجيبي معك خنزير وفي الاونه الاخيرة كتبت موضوع بعنوان فن تقشير البرتقال ترى ما هي العلاقة !!

الرابط بينهما هو الكاتب كما هو الحال هنا …

لا طلبتك .. لا ترديني ..

ترى الطلب من الطالب غلا ..

والمشاعر عند حدك .. ما تبي غير الرضا ..

ما رحلت في هواك .. ولا وصلت لسماك ..

غير لأني صرت أقرب من أنفاسك عليك ..

كل هالكون بتركه .. لجل عين بتركه ..

ما همني غير احد .. ولا أبي غيرك احد ..

أنتي إلي ملكتي قلبي العاشق ..

أنتي إلي شفت بك نصفي الثاني ..

من يزيل الدمع عني .. من يشيل الحمل مني ..

من ودي احلم معه .. أنه معي .. يسمع كلامي ويفهمه ..

أدري أن الوفاء عندك كبير .. وادري حلمك معي كبير ..

ودك يتحقق كل شيء .. ودك أن البعد عنك ما يصير ..

رسم في ذاك الطريق .. ناس فـ الرصيف تسير ..

كلن يده بيد الحبيب .. وأنا معك ..

احك لي عن الدنيا .. احك لي عن كل إلي يصير ..

احك لي ليه الزمن .. ما يجمع كل حبيب وحبيب ..

ليه ما به قاموس يجمع الأحبة .. ليه قلوبنا ما بها رحمة ..

ليه حنا قراب من بعضنا .. بس في الواقع بعيد ..

ليه ما أقدر أحضنك .. أتنفسك .. أكون معك ..

ليه بس يحق لي أسمعك من بعيد ..

هذا صدى صوتي يقول .. ببقى معك ..

لو فرقوا بيننا بالحديد .. لو حطوا أسوار وحواجز ..

لو كل منهم أشعل نار الفتيل .. وكلن أعلن أن حبنا قتيل ..

بقول لك ما هو قتيل .. يكفي وجودنا مع بعضنا ..

نسقي ورده بيدنا .. ما همنا .. هذا الحكاية كلها ..

بس أسمعيني …  وأفهمي كل إلي أقوله ..

كل إلي أبي في حياتي .. لا طلبتك لا ترديني ..